അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിക്കുന്നു
Author : - സ്വന്തം ലേഖകന്‍ www.irinjalakuda.com
സി.പി.ഐ നേതാവും പ്രമുഖ അഭിഭാഷകനുമായിരുന്ന കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍അനുസ്‌മരിക്കുന്നു. സി.പി.ഐ. ഇരിങ്ങാലക്കുട മണ്ഡലകമ്മിറ്റിയുടെയും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെയും സംയുക്താഭിമുഖ്യത്തിലാണ്‌ ജൂണ്‍ 11ന്‌ ചരമവാര്‍ഷികദിനം ആചരിക്കുന്നത്‌. ഇരിങ്ങാലക്കുടയിലെ യുവകലാസാഹിതിയും ഇന്ത്യന്‍ അസോസിയേഷന്‍ ഓഫ്‌ ലോയേഴ്‌സും സഹസംഘാടകരാണ്‌. 11ന്‌ ഉച്ചതിരിഞ്ഞ്‌ മൂന്നിന്‌ ഇരിങ്ങാലക്കുട ഗായത്രി ഹാളില്‍ അനുസ്‌മരണ സമ്മേളനത്തില്‍ കെ.ഇ.ഇസ്‌മയില്‍ എം.പി അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെ ഉദ്‌ഘാടനം നിര്‍വ്വഹിക്കും. എ.കെ.ചന്ദ്രന്‍ എം.എല്‍.എ അനുസ്‌മരണ പ്രഭാഷണം നടത്തും. കെ.ആര്‍.തമ്പാന്‍ സ്‌മാരക പ്രഭാഷണം, കെ.ആര്‍.തമ്പാന്‍ പ്രഭാത്‌ എന്‍ഡോവ്‌മെന്റ്‌ വിതരണം, കെ.ആര്‍.തമ്പാന്‍ റോഡ്‌ സമര്‍പ്പമം, സ്‌മരണിക പ്രഭാഷണം എന്നിവ പരിപാടിയോടമുബന്ധിച്ച്‌ നടക്കും. സി.പി.ഐ. ജില്ലാ എക്‌സിക്യുട്ടീവ്‌ അംഗം കെ.ശ്രീകുമാര്‍ അദ്ധ്യക്ഷനാകും. പ്രൊഫ.പി.എ.വാസുദേവന്‍, നഗരസഭാ ചെയര്‍മാന്‍ എം.പി.ജാക്‌സണ്‍, സി.പി.ഐ ജില്ലാ സെക്രട്ടറി സി.എന്‍.ജയദേവന്‍, കെ.വി.രാമനാഥന്‍, അഡ്വ.രഞ്‌ജിത്ത്‌ തമ്പാന്‍, അഡ്വ.എ.ജയശങ്കര്‍, അഡ്വ.ടി.രവീന്ദ്രന്‍ തുടങ്ങിവിവിധ മേഖലകളിലെ പ്രമുഖര്‍ പങ്കെടുക്കും. ദിനാചരമ പരിപാടികള്‍ക്ക്‌ നേതൃത്വം നല്‍കുന്ന കെ.ശ്രീകുമാര്‍, ടി.കെ.സുധീഷ്‌, എം.ടി.വര്‍ഗീസ്‌, രാജേഷ്‌ തമ്പാന്‍ എന്നിവര്‍ വാര്‍ത്താ സമ്മേളനത്തില്‍ പരിപാടികള്‍ വിശദീകരിച്ചു.
No comments:
Post a Comment