Thursday, June 11, 2009

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിച്ചു

അഡ്വ.കെ.ആര്‍.തമ്പാനെ ഒന്നാം ചരമവാര്‍ഷികദിനത്തില്‍ അനുസ്‌മരിച്ചു

Author : - സ്വന്തം ലേഖകന്‍ www.irinjalakuda.com




സി.പി.ഐ നേതാവും പ്രമുഖ അഭിഭാഷകനുമായിരുന്ന കെ.ആര്‍.തമ്പാനെ ഇരിങ്ങാലക്കുടയില്‍ അനുസ്‌മരിച്ചു. ഒന്നാം ചരമവാര്‍ഷികദിനത്തില്‍ ഗായത്രി ഹാളില്‍ ചേര്‍ന്ന അനുസ്‌മരണ സമ്മേളനവും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റും കെ.ഇ.ഇസ്‌മയില്‍ എം.പി ഉദ്‌ഘാടനം ചെയ്‌തു. എ.കെ.ചന്ദ്രന്‍ എം.എല്‍.എ അനുസ്‌മരണ പ്രഭാഷണം നടത്തി. കെ.ആര്‍.തമ്പാന്‍ സ്‌മാരക പ്രഭാഷണം, കെ.ആര്‍.തമ്പാന്‍ പ്രഭാത്‌ എന്‍ഡോവ്‌മെന്റ്‌ വിതരണം, കെ.ആര്‍.തമ്പാന്‍ റോഡ്‌ സമര്‍പ്പണം, സ്‌മരണിക പ്രഭാഷണം എന്നിവ പരിപാടിയോടനുബന്ധിച്ച്‌ നടന്നു. സി.പി.ഐ. ജില്ലാ എക്‌സിക്യുട്ടീവ്‌ അംഗം കെ.ശ്രീകുമാര്‍ അദ്ധ്യക്ഷനായി. പ്രൊഫ.പി.എ.വാസുദേവന്‍, നഗരസഭാ ചെയര്‍മാന്‍ എം.പി.ജാക്‌സണ്‍, സി.പി.ഐ ജില്ലാ സെക്രട്ടറി സി.എന്‍.ജയദേവന്‍, കെ.വി.രാമനാഥന്‍, അഡ്വ.രഞ്‌ജിത്ത്‌ തമ്പാന്‍, അഡ്വ.എ.ജയശങ്കര്‍, അഡ്വ.ടി.രവീന്ദ്രന്‍ തുടങ്ങി വിവിധ മേഖലകളിലെ പ്രമുഖര്‍ പങ്കെടുത്തു. സി.പി.ഐ. ഇരിങ്ങാലക്കുട മണ്ഡലകമ്മിറ്റിയുടെയും അഡ്വ.കെ.ആര്‍.തമ്പാന്‍ സ്‌മാരക ട്രസ്റ്റിന്റെയും സംയുക്താഭിമുഖ്യത്തിലായിരുന്നു അനുസ്‌മരണ പരിപാടികള്‍. ഇരിങ്ങാലക്കുടയിലെ യുവകലാസാഹിതിയും ഇന്ത്യന്‍ അസോസിയേഷന്‍ ഓഫ്‌ ലോയേഴ്‌സും സഹസംഘാടകരായിരുന്നു.


No comments:

Post a Comment